Texas Burger (已結業)

朗豪坊12，13樓嘅餐廳氣氛唔錯， 燈光暗暗地。我哋七點幾去到，要等一陣位。一路等位一路睇餐牌諗定食乜～最近出咗磚塊芝士漢堡，造型好有趣，不過顏色就冇得揀嘅，餐廳指定㗎~呢個漢堡好抵食，$88一個，入面已經有漢堡扒、車打芝士、薰牛肉同生菜，絕對係一個無敵嘅配搭老公就要咗個貴嘢，燒龍蝦溶岩芝士牛肉漢堡，入面有兩大件龍蝦肉同埋厚厚嘅牛肉，超級豐富！加錢轉餐要埋薯條同橙汁我哋仲要咗Buffalo wings! 雞翼炸非常香脆，入面好多汁，食到大家舔舔脷！呢間burger店價錢實惠，好多款漢堡七八十蚊就有交易，下次要再嚟試其他款！