新泰東南亞餐廳 (馬鞍山廣場)

今日同老公睇完醫生，然後就黎左呢個商場食飯。行過呢間餐廳，見到好多人等位，應該唔差，原來係食泰國嘢，咁我就話不如食呢間。

裡面地方大，入到去已經有好多客人。打開餐牌都有好多選擇，個樣又靚，我哋叫左炒菜同焗飯。

馬拉盞通菜：都算大碟，味道鹹鹹香香，佢仲連埋細細粒蝦米仔一齊炒，夠晒味道，唔錯。

日本南瓜焗海鮮炒飯：好有份量，芝士鋪面好香，南瓜好大隻，一路食一路出緊煙，南瓜甜甜地，唔太硬唔太淋，口感剛好。裡面海鮮有蝦、青口同埋魷魚等配料，飯炒得比較濕潤唔會乾，口感好好，唔會太鹹，炒得好好食。