黑麥 (已結業)

今晚同成班舊朋友食完仔仔，同佢坐在對面，無咩點傾計。大家離開仔仔的時候，我倆又重施故技，一個眼色，就兩個鼠左入來呢度傾下近況。九點多，這裡人客不多，選了入面的二人位。窗外朦朦朧朧的，加上悠和輕快的音樂，氣氛好到加零一，非常適合傾計。叫左兩杯Latte，一件酒心車厘芝士餅兩份食。Latte 都係普通貨色，芝士餅的酒味淡淡的，都唔會太「漏」，件頭不算少，加上已在仔仔食飽，一件兩份分都夠，28蚊都唔算太貴。傾到十點幾至走，如果夜晚來原來都唔錯的，起碼氣氛勁正。