月爐．端燒

营业中

休息中

炎炎夏日，同朋友冰點夏日二人前先。時令日本生蠔好大隻，仲好鮮甜。原條池魚刺身上，擺盤栩栩如生又新鮮又好打卡，肉身厚而不韌，入口味道鮮甜，鐘意食刺身大推。馬友一夜干呢個等得非常值得，魚皮燒得好香脆，入面魚肉肉質幼嫩，配合跟埋嘅酸汁一齊食真係好滋味，食到骨都吮埋。泡菜鴨肉冷稻庭帶一點點泡菜嘅酸味，食落清而不膩、而且冰涼解暑開胃。甜品係黑糖味和果子同蕨餅，味道好特別。擔心唔夠食，仲嗌埋季節時令壽司七貫，每一款壽司材料都新鮮爽甜，推介海膽壽司，啖啖的海水味，入口即溶。顧客只要like餐廳社交平台頁面可獲贈一客小食，非常美味，佐酒一流。