小肥羊 (已結業)

一行四人,,又有孕婦,,要坐得嘈得..孕婦食得又唔貴既地方...諗左好耐..一於飲茶啦..聽聞小肥羊既任食下午茶好抵..一於去試試佢啦.下午茶2點開始..點半派飛..我地拎完飛就去行左陣..13:55分番到去已經叫左10幾張木台..佢話話左3張唔補木台..不過當時人唔多就超俾我地入,,一坐低即刻劃野食啦..點心紙上食物都唔少..蝦餃..燒賣..x燒包..腸粉呢類一般點心當然不缺..哇..望真d連灌湯餃都有//即時一人先黎一客..另外仲有d特色d既,,芋角..xo醬蘿蔔糕..8寶飯,,粥..炒粉麵..又或者..羊肉包..羊肉薄餅..羊肉春卷.叫完一輪試下d野食先..先食灌湯餃..當然唔係舊式既將湯灌入餃啦..呢一種都唔知係邊度食度啦..不過味道都唔錯..大伙一致認為可以encore..腸粉唔錯..係料少左d..其實樣樣都唔錯..反而係蝦餃同燒賣令人失望..蝦餃一端上我地就發覺外表唔太好,,個皮塌既..都唔夠脹卜卜..一食,,個皮好肥好油..麻麻..而燒賣味道好淡..叫多一輪大家都飽晒啦!!其實食物真係唔錯..$60有找任食..真係抵..不妨試一試..*另外一講既係點心唔知點解唔跟醬料..