影片
更多
2015-11-09
215 浏览
呢幾日，又熱返，天口興，無食欲。夏天未完全送走，秋天未正式咁黎，又係心思思大件事，想食下日食既時間。每次同朋友去放題，來來去去無好多選擇，好似油尖旺平靚正嗰幾間，經已俾我地食勻。選擇困難症？！而家唔洗驚，千奇百趣openrice，搜攞下先……最後卜左係長沙灣呢間未試過既新ya!! 唔知係咪新開啦，只知我未食過，心目中就叫做新啦！黎到地方好大下，而且播住音樂，無好多人客既嘈吵聲，坐得好寬落舒服，一0的都唔迫！行到去已經熱死人，一坐低，唔好講咁多喇，即刻落住清涼爽下下火先。醬油蟹蟹是選用了花蟹，帶微辣，蟹肉炒得十分入味，肉又滑又嫩，蟹味濃！！蟹籽沙律唔好笑我悶，食親日本ya，硬係唔叫唔安樂，份量細細，沙律醬唔會做到稀0能0能咁，加賣青瓜好清新！不過店方太大方，沙律醬太重手。中華沙律又係例牌既前菜，貪佢爽口有味顏色又靚，加賣芝麻香得來無得彈！味附螺肉朋友主攻，我就淨係食左少少，好彩d醬汁唔會杰到一pat咁漿住曬個口，形態上好彩唔係嗰d解唔切凍既連體嬰~香蔥魚頭黎到個樣，唔多似魚頭，要同店員confirm先証實！我就無食，只試左少少個汁，幾入味下。朋友話都唔錯，幾分鹽香，魚肉幾嫩咁wor...
呢幾日，又熱返，天口興，無食欲。
夏天未完全送走，秋天未正式咁黎，又係心思思大件事，想食下日食既時間。每次同朋友去放題，來來去去無好多選擇，好似油尖旺平靚正嗰幾間，經已俾我地食勻。選擇困難症？！而家唔洗驚，千奇百趣openrice，搜攞下先……
最後卜左係長沙灣呢間未試過既新ya!! 唔知係咪新開啦，只知我未食過，心目中就叫做新啦！黎到地方好大下，而且播住音樂，無好多人客既嘈吵聲，坐得好寬落舒服，一0的都唔迫！
行到去已經熱死人，一坐低，唔好講咁多喇，即刻落住清涼爽下下火先。
醬油蟹
蟹是選用了花蟹，帶微辣，蟹肉炒得十分入味，肉又滑又嫩，蟹味濃！！
蟹籽沙律
唔好笑我悶，食親日本ya，硬係唔叫唔安樂，份量細細，沙律醬唔會做到稀0能0能咁，加賣青瓜好清新！不過店方太大方，沙律醬太重手。
中華沙律
又係例牌既前菜，貪佢爽口有味顏色又靚，加賣芝麻香得來無得彈！
味附螺肉
朋友主攻，我就淨係食左少少，好彩d醬汁唔會杰到一pat咁漿住曬個口，形態上好彩唔係嗰d解唔切凍既連體嬰~
香蔥魚頭
黎到個樣，唔多似魚頭，要同店員confirm先証實！我就無食，只試左少少個汁，幾入味下。朋友話都唔錯，幾分鹽香，魚肉幾嫩咁wor....
免治雞骨棒
都幾有心機做，真係食到有軟骨係棒內，不過個味好似有d淡，可能我太重口味吧！
芝士年糕
呢個係我黎既目的，自從上次放題食完就愛上，雖然，香港做既全部唔夠o架妹朋友係東京帶我去居酒屋食嗰種，口感好味到同雪糕有得揮既喇，估唔到香港放題都有咁既質素呀，超級無敵熱辣辣，少可會炸得完完全全透，入口即溶，超軟滑！半流心既芝士色澤好靚，拍得住金黃既外層，叮噹碼頭！
呢個真係超好食，忍唔住係咁encore...
我一個人食左五件咁多呀！
三文魚，帆立貝，甜蝦，馬刀貝
食刺身永遠我亦唔貪心，唔浪費，只會簡鍾意食嗰幾款，雖然係任食，但要對得住自己個胃，亦唔可以濫於充數！三文魚塊有點切唔斷，未分開。馬刀貝好爽口，帆立貝好迷你，甜蝦比平時食開最細的size要大少少，整體較普通，不過也不失。
汁炒帆立貝
洋蔥好多，帆立貝細細粒，容易食，質地夠嫩，醬汁較清淡，但不稀！
日式辣汁凍蜆
呢個有驚喜，辣汁全部入曬蜆肉內，凍食感覺更特別，又消暑開胃，啱曬是日熱辣辣既天氣！
张贴
