東海酒家 (已結業)

新開o既東海,中秋節做節食飯就揀左佢啦,去到環境都闊大,寬敞...樓底都幾高,幾grand,好多水晶燈,仲有個靚view睇tim...唔錯..但唔知做咩分開左兩part咁...唔通一邊想比人普通食飯,一邊就比人擺酒?我地一家人做節食飯好開心,冇叫餐呀,散叫左好多野食,不過d野就比較細碟少少啦燒腩仔, 皮脆肉香,唔會太肥膩,唔錯 (太快手食左,冇影到)蒜片炒牛粒, 嘩...好正呀,d牛粒呢好林好有牛味,仲要加埋d蒜片真係好食呀椒鹽豆腐粒, lei個炸到好金黃,好香口,入面又好滑,幾好!炸枝竹,lei個就油少少,仲有點茄汁都幾得意,但就普通啦...黑松露溫泉蛋,我唔記得個蛋名係咪咁,但食落去真係好正,個糖心蛋黃好正,加上有d黑松露,lei個配撘match得幾好...讚呀!荷蘭豆炒蝦球帶子, d蝦同帶子都好新鮮好大隻呀漁香茄子煲, 雖然係普通o既菜式,但都唔係求其o者o者肉排,我唔記得個名,但個豬肉就好好味,好香口,少少肥,但正!o者o者唐生菜,加上有d蝦醬定腐乳, 好香,熱辣辣...好味蒸斑,我又唔記得咩野斑,一般啦,唔夠滑...炸子雞, 我對食雞要求都好高,佢就真係好食,唔鞋,雞皮炸到香