富山居 (裝修中)

今日同老公一起食個早餐再番工，去左附近富山居試試🍴見到餐廳環境都好靚，充滿日本既感覺🎎今次我就叫左 $39珍寶煙肉全餐，好豐富，有齊煙肉，豬柳漢堡，火腿，炒蛋，茄汁豆同薯餅🤤再加埋熱檸蜜，真係幾抵食👏🏻薯餅香脆好食，豬柳漢堡都好香豬肉味又有肉汁，煙肉加蛋一齊食，唔會太鹹，好惹味添🤤老公點既 $35牧場烤多士加火腿炒蛋配沙嗲牛肉麵，都非常豐盛。豬骨湯底豬骨味濃郁，味道鮮甜，沙嗲汁都好濃郁，兩個配搭令味道好有層次😚牛肉都好嫩滑又大片。炒蛋都好香蛋味，又好嫩👍食到咁平又好味既早餐，番工都充滿活力呀～～😳