禮鮨 (已搬遷) 新店位置

早兩日同朋友出黎食飯...諗住呢度晚飯貴...所以專登午飯時間黎試下...1:30 度黎到...都仲要等位, 真係好多人...!好啦...等左15分鐘度, 有位啦喎...入到去, 環境唔錯喎...可以望到灣仔o個邊o既海景, 內部裝修都幾舒服...叫野食啦, 大部份食物都係$150-250, 我自己叫左個3色飯, 我朋友呢, 叫左個有10種(每樣一件)壽司o既set...我個3色飯呢, 係一個set 黎o既, 除左個飯有個沙律同一碗麥麵. 沙律同個麥麵都唔錯, 沙律用o既dressing 好好味...好啦, 到個3色飯啦...嘩...好多三文魚子呀, 仲要全部都大大粒, d 三文魚子真係好新鮮, 完全唔腥, 好好味! 至於d 三文魚同埋另外o個種魚呢(唔記得左係乜魚)就有d 普通, 唔算太新鮮.碟壽司呢, 非常之新鮮呢, 全部都好好味好好味...跟住上o既仲有一碗miso soup...埋單...$200 一個人, 價錢可以啦, 食物質素整體一流...服務呢, 就有待改進, 可以更加好...總括黎講, 係一餐幾好既午飯, 有機會夜晚會黎試下...BTW, to Editor: 建議修改