甜家甜品 (已結業)

每次行過呢間舖頭都搞到我好想食甜品 因為真係好好味 加上老闆好有人情味 成日都面帶笑容😆甜品質素非常之高加上價錢又合理 可以話係十分抵食😁另外店內員工都幾有禮貌 又好熱情問我食咩 所以我都好中意去幫襯👍👍有次下午得閒想去食個紅豆沙 見到老闆得自己一個人整糖水 都叫幾辛苦 所以我而家得閒就會去支持下🤤我個人就中意凍既紅豆沙啦 紅豆同糖水既比例啱啱好 食落都好有口感 十分推薦畀大家試下 同埋嗰度既栗子露原來係有限㗎 所以要食真係要早少少 有次10點幾去食點知已經賣曬😥整體而言我認為呢間糖水店十分值得試下 我個人就 真係食過返尋味啦🤩