合一咖啡屋餐廳 (已結業)

昨晚和朋友去食，第一次去，地方感覺似茶餐廳，又似西餐廳格局，不過整體感覺乾淨，舒適由於朋友吾食肉，兩個人叫左一個"田園沙律" 一個"什箘意大利飯"一個"印度烤餅" 再加一個"龍蝦海鮮湯"俾自己。龍蝦海鮮湯 蝦味極濃，而且仲好cream什箘意大利飯 意料中咁好味，而米飯硬度適中。果 田園沙律 疏菜好新鮮，沙律汁亦調較得好味道。至於印度烤餅 都好好食，幾鬆脆！不過果印度烤餅，初初以為喺齋烤餅，原來中間有雞肉，攪到朋友要吐近出來如果吾食肉人仕，一定要叫佢吾好落雞肉。最後加左一杯咖啡，味道吾錯又夠香。埋單合共約250，因為朋友埋單，確實數字吾知最後一提：服務員有禮貌，由於我同朋友傾計傾左好耐，期間服務員不斷為我地加水，等我地吾使傾計傾到口乾。