最掂燒味 (已結業)

最近得知附近開了一間燒味店,所以到來一食這裡出名的燒鵝‧秘製燒鵝拚叉燒飯(＄５５):這裡的燒鵝肥廋比例合適，加上自家的酸梅醬來食，不但可以將燒鵝味更突出,加上燒鵝肉質爽滑,不但皮香脆滑,而且好有口感。加上,叉燒用上蜜糖來燒製,唔會好似一般店舖太甜，實在係必食之選。燒鵝飯($86): 配上鵝脾的燒鵝飯,不但啖啖都係鮮嫩的燒鵝肉,而且脾位非常嫩滑,係就算加錢都係值得,因為一隻鵝只係得兩隻脾位。佛山燻蹄 ($38): 雪凍後的燻蹄令到肉質更加爽滑,加上唔會太多肥肉,所以食落非常有口感,加上配上醋來吃,可以令到燻蹄味道更突出。糖心豬手 ($38):最重要鹹豬手夠稔,D肉好嫩又滑,連個皮都煮到化哂，完全唔駛點咬就食到,真係做到糖心的效果,相信只有在這裡先食到。總括來說,這裡燒味出色,絕對係放工一食的好地方。