泰坊 (已結業)

中午去試吓呢間正唔正，成日經過都未去試過。我叫左個午餐set，有火腿、多士、炒蛋、青咖喱米線、凍檸茶。烘多士真係好好食！好脆，唔燶但有一種烘香嘅味道！蛋超滑！火腿一啖咬落去果下估唔到幾厚！真係比較其他茶餐廳與眾不同。凍檸茶明明我叫了少甜少冰，佢單都有打，個侍應送來又係話：你少甜少冰。但係⋯⋯仍然好甜！不過，值得表揚係佢地刨碎了d冰。竟然有青咖喱米線，不過可惜一d都唔辣。不過用米線有啲漏，唔知如果佢用米粉會唔會好啲。d肥牛有大約三舊好靭咬唔開，我唯有丟咗。下次都係唔食肥牛，試吓佢其他麵餐，好多選擇。