翡翠拉麵小籠包 (已搬遷) 新店位置

其實我好鍾意上海菜，但係係香港我又唔係好找到啱我口味的上海菜，唯有係翡翠我就食極都唔厭，今晚我又同屋企人來到沙田的翡麵小籠包。佢地的酸辣湯比其他的上海餐廳無咁稠，啲料有好多，但係我好食得酸架所以每次都要加醋；佢地的醋同超市的唔同，應該係陳年老醋，味道淳厚，同酸辣湯好夾。食上海菜當然唔小得小籠包啦，佢的小籠包大細剛剛好，一口一個，仲有好多湯汁係入面，肉質鮮甜，正！中國人好多都面色唔係咁好，食鱔糊就可以去黃氣，呢到的鱔糊有九黃，啲九黃煮到剛剛熟，唔會太老，同黃鱔好夾。獅子頭有好多種煮法，我比較喜歡呢到的煮法，同津白一齊煮，唔係多湯果種，係啲汁包住個獅子頭，今次好係咸咗少少，但係味道都ok。不可不提的就係甜品，我最期待的，有高力豆沙香蕉同炸慢頭，高力豆沙係一個用蛋白做的甜品，好考功夫，啲蛋白同豆沙夾起來好得意，味道同口感都係；炸慢頭本身無味道，但係同練奶一齊食，正個味道就唔同咗，好甜又好脆口，我的至愛。我諗無論佢要排幾長龍，我都係會繼續來幫親。