茶餐廳2.0 (已結業)

今晚唔煮飯，黎食好耐無食過既茶餐廳2.0, 貪佢選擇夠晒多。✨主菜，加$10 有餐湯同野飲，忌廉湯都幾好食✨熔岩椰青海鮮意大利飯： 賣相好過癮，不過畢之前真係要拎定多隻碟先，因為裏面勁多料。海鮮有大蝦，青口，帶子，蜆。個飯仲有彩椒粒，菇，蟹柳，顏色非常豐富。飯粒索滿醬汁，個汁有少少芝士香味同椰青味，好味唔會漏，食到最尾估唔到最好食係d 椰肉，甜甜地又超嫩滑。✨2.0海陸空雜扒拼大蝦：啱晒大胃王，d 扒都幾大塊，啖啖肉。大頭蝦都有d 蝦膏，茄汁意粉幾香香草味，仲有好多雜菜。✨呢個芝士蛋糕幾好食，$20 一件，芝士香得黎唔漏✨另外加$25 有心太軟一客幾抵食，心太軟唔算流心似軟心多d, 但都幾好味朱古力醬夠晒多。