明珠閣 (已結業)

今日去左明珠閣食lunch, 本身都冇太大期望，諗住係同屋企人簡簡單單食餐中午飯就算，點知俾我發現到呢間餐廳既叉燒，簡直就係超班既水準!!!身為一個超級叉燒fans, 我認我係"yim" 尖架喇。叉燒好多地方都有得食，但係講真，整得好食既地方真係唔多。太瘦又鞋口，太肥又好滯，之前食過金翠餐廳同埋元朗蔚豪既叉燒係我覺得算幾好食既, 但係都硬係覺得唔夠喉。咁來到呢度，例牌都要叫返碟叉燒過口癮啦，今次叫左碟叉燒連油雞雙拼，點知俾我發現到呢度既叉燒係厚切!!!!!!!!仲要每一舊都成寸咁厚!!!!!咁講真厚切又唔代表好食既，有的野都係要試過先知龍與鳯，好啦，一咬落去，肉質鬆化，肥瘦均匀，加埋的蜜汁，正! 唯一美中不足既係，舊叉燒可以再以再肥返小小同埋的筯多返小小,咁就perfect喇!!同埋係丄比較之下，隻油雞就稍為失色左小小喇，叫做係不過不失啦。雞腳螺頭湯除左叉燒之外個湯都唔錯，火喉十足，的湯料都幾多，我就覺得幾好飲，呀媽話咸左小小，不過口味呢的野就好個人既。總括來講，呢度既叉燒相信係主打菜，我見隔離好多枱都有叫到，下次來可以試埋個脆皮燒腩同埋其他小菜