金輝燒臘

营业中

休息中

一向好鍾意食燒味，咁岩今日行開沙田阿媽又叫我斬啲料返屋企，所以就嚟咗街市呢度睇吓有咩靚燒味。原來街市呢邊得兩間燒味鋪，咁就是但揀左間叫金輝嘅燒味，因為我鍾意食叉燒，媽媽就鍾意食雞，爸爸就鍾意食燒肉，一於咩都斬啲返去咁就皆大歡喜啦！叉燒來講我就中意半肥瘦，啱晒我口味，而且佢唔似出面啲燒味舖染色染得咁誇張，感覺幾健康。切雞來講肉質幾嫩滑，而且佢比嘅蔥油唔算好咸，所以我用埋黎撈飯哈哈。燒肉拎到返屋企層皮都仲係卜卜脆，爸爸食得好開心！仲順便斬左少少滷味返去，全部都好入味！最衰間燒味舖喺沙田咁遠，如果唔係真係三日唔埋兩日就要斬一次料啦哈哈！