丸十あぶり牧場 (已結業)

今日約咗朋友飯聚，朋友話食過呢間唔錯，所以今日就帶我黎試下，果然冇令我失望 😋🥢極上牛柳三文治係餐牌見到已經覺得好吸引，一定要試下。外層多士香脆，內層牛柳粉嫩，肉質好稔唔會韌，咬落去外脆內軟，非常唔錯。🥢自家製玉子燒雖然賣相冇必特別，但食落都唔錯，玉子好滑唔會’鞋’口。🥢燒羊架呢個非常唔錯，值得推介。上菜時已經被香味吸引咗，食落口好有驚喜，完全唔會有難頂既so味，咬落啲肉汁咇出黎，令口腔充滿香濃既肉汁香味，肉質亦唔會韌，非常之稔，整體非常出色。🥢燒日本地雞丼餐牌上聲稱係產地直送日本雞，見咁有誠意就叫咗黎試下。味道都唔錯，雞肉做得都好嫩滑。