彩興來來火鍋 (已結業)

上網睇食評個個都讚好，諗住冇死錯人，七點去到門口睇下有冇得食，初初問我有冇卜位，我話冇，等咗五分鐘想走果陣佢就叫我哋入座，睇下張點火煱配料張紙，見個價錢唔平，應該會幾好食......因為我同埋妻子同個仔嚟，個仔唔食辣，就叫咗個蕃茄湯底，等咗十分鐘，有一個個樣似老闆嘅男仕嚟開鑊，係咁依炒兩下配料就就加湯，我哋諗住試下叫少少嘢食先，一碟特色丸，油墨菜，牛頸脊例，炸魚皮，炸支竹同埋丁麵，先嚟炸魚皮，硬到牙都咬唔到，後尾見隔離台都係咁講退貨，我哋都同侍仔講大硬，佢話可能走咗氣，再換過一啲嚟，換咗試咗一塊，比之前果啲脆，但啲邊位都好硬，再退貨，嚟咗炸支竹就先放入去，啲丸嚟又放少少去煮下先，啲牛嚟埋就先試牛，啲牛一食得一啖，個心即刻講，唔係嘛188蚊得二十片左右，居然冇乜牛味，未試多一塊，一樣，果一刻有啲中伏嘅心情，再試下啲丸，係啲蝦丸最好味，但都係值七十分，其他果啲丸真係好普通，成碟得十二定十六粒，但收128蚊，發現中咗八成伏，再諗住食下啲支竹，再失望，有少少油益味，而且煮咗半個鐘有多，都仲好硬，最尾要食油墨菜同丁麵充饑！個仔細冇乜食到嘢，基本上兩個人食，埋單差少少要六百蚊，走果時同妻子講，呢兩