點點心 (已結業)

每日搭車經過都想試下，終於放假就試下啦。一入去都幾好服務態度，野食都幾特別。叫完之後已經聽到後面個枱客人吹話好耐都未有野食，我地諗住即叫即蒸正常丫～第一碟黎既係腸粉，ok～凍既！好忙咩？無咩客架喎？完全唔明白，忍左佢，因為太餓。 之後黎既點心平平無奇，唔緊要唔難食就算喇。到到個菜苗餃就火大喇，夾唔起既，係咪我地用筷子太差呢？食餃都已經係油都痴晒底，仲要一夾就散！唔係特別好味，又要放假突登黎食，仲要又油又爛，都已經食得好唔開心！仲要我地2個人大家各自有電話傾緊既時候，有2位客人入左黎，成舖都好多空位架喎，個員工阿姐要我地拎開隔離位既袋比佢夾硬想分枱，我d野食其實未黎完囉，我覺得一張細枱仔無可能放得晒，同埋成舖都係空間囉！我地傾緊電話忙緊但就汁起晒自己私人物品但理論唔到，當然人地2位都唔肯坐底，我地先可以繼續安心食野。其間又成日趕住汁我地食完既野，可唔可以一陣先，我就走架喇！另外一樣野就係食點心既店連紙巾都要你用$2買我有點覺得好笑，當然而家係有好多店係咁。