Pop Bites (已結業)

原以為終於有一間好有"家"的感覺嘅甜品cafe,點知只有失望而回.諗住三五知己連同外地嚟旅遊嘅朋友靜靜閒聊,入到店內,初時感覺舒適,只係店員比較冷傲,我哋幾個坐喺店內最入位置.下午茶時間,人流不多,只有幾枱客人table隔離有個DJ booth,頗有型格. 坐底不久,店員放下menu,俾足空間我哋幾位慢慢睇,見倒甜品幾吸引,諗住搵人介紹下,點知兩位店員好似開秘密會議咁,淨係企喺收銀位講極唔停,完全無視我哋嘅存在.終於有位高瘦waitress留意倒我哋嘅存在,施施然咁行埋嚟,叫佢介紹下d甜品,好似背急口令咁,冇人聽倒佢講乜...問多幾次終於聽倒,我哋四位嗌咗個甜品set,一人一杯咖啡加sandwiches, 店內一d都唔busy,但係喺甜品到後嘅二十分鐘,竟然一杯咖啡都冇出現過. 咖啡出現後,又發現落錯單嘅情況,再等過另一杯,又等咗二十分鐘. 我朋友塊面黑到我都唔敢望. 店員嘅服務,永遠都係保持急口令,同一句唔好意思,但係就完全唔見得有心去改善. 我嗰位外國朋友同我講,雖然佢哋好CAUSAL,但係如果佢係喺自己家鄉(美國),一早就走,唔會容忍咁嘅服務態度....