堅韓牛韓燒放題 (已結業)

臨時決定去食，見到星期六日旺角放題仲有一大堆空位就諗住去馬啦！去到嗰陣時成間鋪加埋10個人，嗰陣時都未知咁伏…. 之後有個比較年老小小嘅侍應，過嚟不停吹我哋揀餐，後尾我哋話我哋自己睇啦，佢仲一直講一直講。見到價錢都真係偏高，諗住要平少少嘅嗰個，佢又不停水我哋去食level3 以上，見到我哋決定level1 態度勁不屑。後尾我眼尾稍到壽星優惠，同行朋友咁啱呢個月生日，問佢佢先同我哋講，又串我哋level3先有得，你都攞唔到㗎啦最尾都係食咗level 3 ，但係肉嘅質素麻麻哋，有啲連冰都未溶。連嗌個煎餅都係凍嘅，小食方面選擇都OK多，佢每次落單都係一件，啱想試唔同嘢食嘅人，但係叫嘢飲就係超大杯。大杯到一杯就可以飲飽你！個位又好細，隔離好想行去廁所都就嚟撞跌我哋盤肉，佢嘅韓燒係擺一張紙係烤盤，完全冇任何去油嘅窿仔，燒到唔夠半個鐘頭成個烤盤都係油，嗰張紙又超快燶晒，基本上一放到去就已經又油又燶。服務態度又好差，朋友想問開瓶器喺邊，又喺度大聲串，買單嗰陣時見到兩個人差唔多800嚇親，問兩句佢又勁差態度，原來佢繁忙時間本身貴咗，但係仲要加錢，我哋唔清楚問多兩句姐就喺度串我哋。成個觀感體驗真係好差，