圃鍋 (已結業)

又去打邊爐，不過今次我地以海鮮為主題，所以就搵左呢間圃鍋，貪佢今期推出大大大大大隻海鮮船，仲上埋facebook好多平台，應該就唔會太差。好彩，黎到之後唔係「希望愈大，失望愈大」，我地4人全體都覺得成晚的質素唔錯，包括環境、食物、服務都好好，下次會再黎。呢邊行高檔路線，一入黎就覺得燈光比較暗，感覺上幾好氣氛，中式為主的風格都唔會令人覺得格格不入。服務員好好人，會主動過黎落單、加水，最緊要係教埋我地點煮海鮮最好味。個海鮮船好大隻，4人份量海鮮夠澎湃，有龍蝦、蜆、鮑魚、帶子等，每一款都唔差，雖然唔一定係最新鮮，但至少入口唔覺有冷藏味。仲有推介埋和牛，雪花紋夠靚仔，幾乎入口即化，一定要試。