發記甜品 (已結業)

31 March 2006 (Fri) - 甜品食完個好飽既晚飯，本來都食唔落甜品，但係見距離飲嘢既時間仲有兩個鐘，又見食完飯後散咗咁耐步都應該落咁啲格，再見自己每次想食發記都要排長龍而今次只需等三張枱，所以又忍唔住去咗食甜品．．．舖位真既好細，要同人share 枱，真係要食完就走！我叫咗楊枝金露，朋友叫咗榴槤飄香，嘩，楊枝金露真既幾好味，入面既芒果好大舊，加埋晒可能真既有整整一個芒果，正！！至於友人個榴槤飄香，我不願致評，因為我唔食榴槤既，但朋友話幾好食，我又即管試一口，但係真係臭到想嘔，食咗成碗楊枝金露都區唔走喺口中陣臭味，唉．．．　真係自己攞黎，我以後都唔會再試，明知自已都唔鍾意！