Cakebearbear

营业中

休息中

地址－Cakebearbear北角电气道233号城市花园商场第10座地下G45号舖💋明太子忌廉大蚬意大利粉，呢个意粉上菜时见到简直心心眼，碟意粉系呈现出淡淡的粉红色，再用D蚬围住系侧边，劲有心思，而D蚬佢好大只之余，又唔会有砂，可以好放心咁食，而意粉方面，食落劲 CREAMY，口感爽滑，唔好睇佢份量唔多，但实际都劲饱肚。💋蒲烧原条鳗鱼炒饭，佢一上菜时真系忍唔住哗左一餐，条鳗鱼好大条，而且劲厚肉，基本上可以确保到你每啖饭都能够用鳗鱼配上，而且佢条鳗鱼系完全冇骨，佢配上的鳗鱼汁好香浓，配上相对冇咁浓的珍珠米炒饭一齐食，味道层次丰富，好正！💋香脆薯角配黑松露酱，呢个薯角真系岩岩新鲜炸起，真系见到佢有烟出，所以食的时候要小心，唔好辣亲，我好怕薯角会整得太咸，而呢度的薯角味道都唔错，唔会话太咸，而且佢炸到劲脆身，好令人欣赏，佢配埋个黑松露酱，味道升华左唔少。💋千语星晨，呢杯饮品睇落真系好适合用黎打咭，最吸睛绝对系顶头个只熊仔造型的冰，绝对谋杀左唔少的储存空间，而佢唔系用水整成，所以就算佢溶晒都好，都唔会令到杯饮品变淡，呢个做法好贴心，而且佢杯饮品饮落酸酸甜甜咁，解腻作用一流。