影片
更多
2017-10-21
74 浏览
好耐冇同朋友食飯~幾個人食最岩就係放題, 唔洗諗食乜, 實有野岩食岩岩係銅鑼灣行完街~唔想搭黎搭去搵食就睇下附近有邊間放題好食, 見openrice 呢間評價唔錯, 食物種類又多, 岩晒我地呢幾個咩都想試下既女仔入座之後一睇到兩本餐牌就知道其它人所言非虛~真係好多野食揀呀餐牌我就廢事post圖喇~其它食評都影得好齊, 我留番相片quota用黎貼食物仲好首先係飲品~見係提子汁特飲就試下個名幾好~叫紅粉佳人, 飲落提子味唔會太藥水, 幾好飲朋友A好酒鬼地叫左罐啤酒開始飲, 野食都未到就飲酒佢話呢隻係韓國啤~麥味唔錯吹多陣水就黎到重頭戲啦~刺身盤 我地叫左三文魚, 赤貝, 鮑魚, 甜蝦, 虎蝦, 帶子, 蟹腳, 吞拿魚等刺身做第一輪既熱身~水準唔錯, 起碼唔會有腥味, 吞拿魚同三文魚都幾鮮甜蝦幾大隻下, 虎蝦就可惜在冇泰式醬, 不過呢間係日式放題, 就咁食又幾好食蟹腳唔會好似其它鋪咁太鹹, 幾好另一樣叫左既就係手卷~海膽手卷係我同朋友B既~ 朋友A繼續唔合群咁食軟殼蟹~海膽唔會太散, 以放題黎講水準唔錯跟住就開始係炸物, 料理同燒烤~炸蠔幾重蠔味, 正~芝士波我就驚飽肚冇食~ 佢地話芝士味濃
岩岩係銅鑼灣行完街~唔想搭黎搭去搵食就睇下附近有邊間放題好食, 見openrice 呢間評價唔錯, 食物種類又多, 岩晒我地呢幾個咩都想試下既女仔
入座之後一睇到兩本餐牌就知道其它人所言非虛~真係好多野食揀呀
餐牌我就廢事post圖喇~其它食評都影得好齊, 我留番相片quota用黎貼食物仲好
首先係飲品~見係提子汁特飲就試下
個名幾好~叫紅粉佳人, 飲落提子味唔會太藥水, 幾好飲
朋友A好酒鬼地叫左罐啤酒開始飲, 野食都未到就飲酒
佢話呢隻係韓國啤~麥味唔錯
吹多陣水就黎到重頭戲啦~
刺身盤 我地叫左三文魚, 赤貝, 鮑魚, 甜蝦, 虎蝦, 帶子, 蟹腳, 吞拿魚等刺身做第一輪既熱身~
水準唔錯, 起碼唔會有腥味, 吞拿魚同三文魚都幾鮮
甜蝦幾大隻下, 虎蝦就可惜在冇泰式醬, 不過呢間係日式放題, 就咁食又幾好食
蟹腳唔會好似其它鋪咁太鹹, 幾好
另一樣叫左既就係手卷~
海膽手卷係我同朋友B既~ 朋友A繼續唔合群咁食軟殼蟹~
海膽唔會太散, 以放題黎講水準唔錯
跟住就開始係炸物, 料理同燒烤~
炸蠔幾重蠔味, 正~
芝士波我就驚飽肚冇食~ 佢地話芝士味濃, 不過幾大粒下
角落既燒菠蘿係我既至愛~好鍾意呢D燒烤得黎帶清甜既食物
跟住係一條自私食既天婦羅以及見人叫我地又叫既燉湯~
天婦羅唔錯, 炸粉唔會過厚, 蘿蔔蓉同汁就算你只叫一條佢都上齊(呢樣對我好重要)
燉湯係我地怕執輸咁見人人都好似叫咁就叫個黎試~ 花膠好足料, 大大塊係面, 之後再叫多左個夾埋3個人分, 好似好抵食
燒豆腐又係自私食既至愛~ 燒得好熱, 加埋面頭既木魚+紫菜好好食
翠肉瓜就好重牛油味, 爽口得黎好正
跟住又係朋友A既唔合群燒魚~所以佢一個人食左大半條
不過佢feedback話燒得唔錯, 連埋d汁好香, 同埋d骨好齊整, 岩佢食
跟住係一人一件既羊架~
羶味好微, 對我呢d鍾意羶味既怪人黎講唔夠羶
朋友A及B就好滿意~ 話唔會太大舊之餘燒得幾好, 面頭唔太燶又燒得夠, 肉味幾正
去到呢度我已經開始緊其它飲品~今次試既係OKF sparkling lemon drink
好有氣, 檸檬味都正, 其它鋪頭好少見, 好岩食完肉呀油膩野食
最後都再叫多左罐~
除左中間叫多左輪刺身盤之外~我地都食得七七八八
呢個北海道焗帶子又係我自私食~
個汁幾香好重牛油味, 不過我係唔太鍾意食三色椒既怪人~
所以我揀左冇乜椒果d汁連帶子一啖食, 好正~
最後係大量甜品~
creme brulee 幾好, 唔會太甜, 面頭塊焦糖連成個蛋一齊食就岩岩好
北海道3.6 牛奶布甸重牛奶味~最後我又encore左一個
中間塊樹葉包住一個朋友A既唔合群和果子~ 佢話煙煙韌韌有咬口,唔錯
最後仲有milktop 雪糕~不過見其它食評都有圖而且我又冇位唯有純文字
豆腐味一向較少見，食過得milktop 同手作之店有得食
絕對係全晚最好食甜品，好食到我想搶隔離個杯
總括黎講真係好多野食，大家都食得開心滿意∼下次再黎
张贴
