瀛喜日本料理 (已結業)

好想瘋狂食魚生同壽司嘅時候，最好就係食放題，而且哩間放題過左9:30就會半價，百幾蚊就食到，超抵啊。我食嘅刺身種類其實唔多，我覺得哩到嘅魚生好林，帶子好有鮮味，我地都encore左幾次。值得一提嘅係哩到嘅鮑片唔係米色長方形個隻，係好似螺肉咁嘅，好特別。好鍾意哩到嘅特色創作壽司，細細粒，唔會好飽，但係又好好味，帶子個款上面係黑松露，雖然佢唔係好多，但已經好香好夠味。另外個個芝士吉列蝦都係好好味，個蝦仲係脆架，芝士味又濃。仲有哩個芝士焗扇貝，估唔到放題都有哩啲野食，真係好抵。脆肉瓜，好多汁甜品仲有雪糕、雪米糍同雪條，不過太飽喇，我地冇食到。