URBAN Cafe (駱駝漆大廈第一座)

营业中

休息中

知道觀塘駱駝漆工厦入面，有間超過60隻貓咪嘅cafe，冇收入場費而且係全港最大嘅貓cafe，所以去試下。依度地方好大，有超多可愛貓咪，而且貓咪又親人貪玩。order左2人套餐，頭盤有餐湯及沙律，主食有三重芝士肉醬闊條麵及西班牙燒烤醬烤大豬肋骨，飲品有熱特濃鮮奶朱古力同埋熱蜜糖柚子蜜。餐湯夠味道濃郁，沙律好fresh而且有生果肉，配上黑醋食好醒胃。三重芝士肉醬闊條麵有極香濃芝士味，加埋新鮮肉醬及蕃茄蓉，令每一啖闊條麵都口感豐富。西班牙燒烤醬烤大豬肋骨就燒得恰到好處，夠惹味又能鎖住肉汁好junicy，加上燒過嘅小黃瓜、青瓜及茄子，仲有連埋薯蓉一齊食一流。熱特濃鮮奶朱古力好厚實又朱古力味濃濃，熱蜜糖柚子蜜就好暧胃。