澳門台山水佬榮火鍋專家 (已結業)

上網見到啲網紅去食水佬榮個勁大既海鮮鍋叫航母盛宴就去試下，打電話去問原來星期日至四早段先208蚊一位，不過我就揀左個方便自己既時間去食星期五$268 再加錢轉龍蝦，有盤大海鮮之餘仲有埋配料，真係勁抵，今時今日邊到食到，最緊要係海鮮都係新鮮，盤海鮮黎侍應會叫我地影左相先之後再開爐，個侍應一落個湯有兩隻蝦一齊跳左出黎，鮑魚都係郁下郁下，真係好新鮮，佢地有四種湯揀，我地就揀左佢地最出名個辣汁湯，即係平時水佬榮最出名果個蟹鍋果個湯底，個湯滾好左之後就食左快熟既花蛤同蝦先，蝦好甜，贊！花蛤好鮮味，贊！鮑魚一熟就要食，正！否則會un左，扇貝好厚肉，正！仲有其他海鮮都好得！個配料有幾十樣可以比我地揀幾樣，我地咁鐘意打邊爐所以另外叫多左好多配料，今餐晚飯非常滿足，所以特別想同大家分享。