影片
更多
2021-05-13
463 浏览
大家去到荃灣，通常都會去啲商場附近或者路德圍度食野。今日介紹一間位於冇乜人去嘅荃灣中心近排發掘嘅小店！🥥泰國椰青 $28一開始嗌第一個，超大個，又嫩又超多水，忍唔住嗌多個。但係唔好彩開個老好多冇乜水嘅😔 但係呢個都冇計嘅～價錢合理，同其他泰國菜餐廳比可能都算平。可惜係等佢劈個椰青都等咗好耐😂🍢 雞牛豬串燒 $98半打串燒，每款2串～呢個價錢加呢個地點都算幾貴下😅 黎嘅時候都仲熱熱地。三款都醃得好入味，可惜每款肉都係同一個汁去醃，一開始唔係好分得出牛同豬🧐 雞同豬肉都燒得好嫩，反而牛肉就有少少老。🍛黃咖哩雞石鍋 $68咖哩入面啲配料都好多，雞肉份量唔算少，仲要全雞髀肉，正！味道啱啱好，少少黃咖哩嘅甜味加好香嘅椰奶味，嗌埋個秘製酥餅點個咖哩汁真係冇得輸😋 順帶一提，佢個秘製酥餅係平時超市買到，最普通大大隻字寫住「Paratha」嗰隻，完全諗唔到有幾秘製😂 🍲冬陰功湯 $58因為都係石鍋上，黎到嗰陣仲滾緊🤤 辣味酸味都啱啱好，好到位👍🏻 感覺好似去咗泰國咁😳 冬陰功入面最好食一定係啲菇😋 蝦都算多隻，但係就係啲急凍已經剝曬殼嗰啲。呢個價錢，個人覺得非常抵嗌！🥰🥬泰式馬拉盞通菜 $43廚房一出
🥥泰國椰青 $28
一開始嗌第一個，超大個，又嫩又超多水，忍唔住嗌多個。但係唔好彩開個老好多冇乜水嘅😔 但係呢個都冇計嘅～價錢合理，同其他泰國菜餐廳比可能都算平。可惜係等佢劈個椰青都等咗好耐😂
🍢 雞牛豬串燒 $98
半打串燒，每款2串～呢個價錢加呢個地點都算幾貴下😅 黎嘅時候都仲熱熱地。三款都醃得好入味，可惜每款肉都係同一個汁去醃，一開始唔係好分得出牛同豬🧐 雞同豬肉都燒得好嫩，反而牛肉就有少少老。
🍛黃咖哩雞石鍋 $68
咖哩入面啲配料都好多，雞肉份量唔算少，仲要全雞髀肉，正！味道啱啱好，少少黃咖哩嘅甜味加好香嘅椰奶味，嗌埋個秘製酥餅點個咖哩汁真係冇得輸😋 順帶一提，佢個秘製酥餅係平時超市買到，最普通大大隻字寫住「Paratha」嗰隻，完全諗唔到有幾秘製😂
🍲冬陰功湯 $58
因為都係石鍋上，黎到嗰陣仲滾緊🤤 辣味酸味都啱啱好，好到位👍🏻 感覺好似去咗泰國咁😳 冬陰功入面最好食一定係啲菇😋 蝦都算多隻，但係就係啲急凍已經剝曬殼嗰啲。呢個價錢，個人覺得非常抵嗌！🥰
🥬泰式馬拉盞通菜 $43
廚房一出，未擺低就已經聞到佢浸香氣，已經feel會係碟好夠鍋氣嘅菜😍 食落唔算辣，但偏鹹，配埋飯一齊食就超正👍🏻 但係廚房唔知係咪唔夠人手，我地食曬其他野之後先炒碟菜出黎🤔 其實都唔係第一次，上次黎都係同樣嘅問題，明明第一次落單就嗌咗碟菜先，點知去到最後先黎，搞到好似甜品咁😂
環境質素：🌕🌕🌕🌑🌑
食物質素：🌕🌕🌕🌕🌑
CP值：🌕🌕🌕🌕🌑
回頭指數：🌕🌕🌕🌗🌑
呢餐係：「$80就可以來回泰國」嘅一餐
小菜同碟頭飯都好抵食，大份得黎又唔貴！今餐4個人食，圍返都係$80左右一個人，好抵。如果住附近或者經開呢頭都可以黎試下🤩 可能因為開咗唔係太耐，未熟悉運作，所以無論堂食定外賣都好多甩漏，多到同台兩個人食到燥底😂 第一次嗌檸水走甜，攞到返屋企變咗檸茶🤔 上次黎嘅時候，嗌咗個肉碎飯加辣（推薦肉碎飯加辣幾好味！），點知整咗少辣，明明堂食但係又出咗外賣盒😂 今晚聽到有位客人嗌咗個粉行街，但係最後整錯咗俾咗飯人地。我地本身仲嗌多個生菜包，但係又係漏左單。出野食又慢，堂食嘅位得10-15個，廚房就有一個阿叔同埋個哥哥仔。其實2個人serve 15個客人都真係唔算少架啦，希望可以改進，以後唔好咁多甩漏啦～
张贴
