影片
更多
2014-01-19
5098 浏览
尋日星期五,我係大陸既工作出奇地竟然提早收爐,可以專登坐早機返黎香港,知道左既朋友已經一早接我機! 係大陸搵到錢冇地方洗,梗係去尖咀行下名店睇下有咩心水野啱啦!點知行行下已經不知不覺7點幾,衰就衰在我太耐冇係香港,完全變左人生路不熟,唔知食乜好! 老友記此時就提起話呢間野幾好食,因為抵食又均真,而且有時有靚魚食! 係大陸完全唔敢食生野既我即管要去久嘗未試過既魚生!入到去個場我真係好Q大!到底係我太耐冇係香港食放題定咩呢? 個場真係走廊位都足夠2個人行! 我地一坐低侍應已經放上刺身拚盤,有玉子, 赤貝,鮑魚片, 帶子,當然係少不了大路既角色三文魚,同油甘魚啦! 所有野都有冰墊底,我自己就最鍾意赤貝,煙煙UNUN好有咬口,而且海產味好濃,本身其實已經好鮮租,不過點上wasabi之後就另一個境界,辛辣餘味後有甜甜既豉油同海水味中和返!油甘魚就肉質彈性有油香,我自己覺得比三文魚好食! 中間我地都有點呢度個招牌菜巨型甜蝦,黎到個陣真係嚇親,我記得以前放題剛興起個陣甜蝦係細size的,估唔到依家係咁大既size,而且超甜同痴牙,最正係我地order左好多,但呢度真係好少會走order,真係好多咁上
食食下見到出面勁多人,好奇既我唔知咩事就叫個waiter過黎,佢同我講話依家有師傅係出面即場劏吞拿魚,呾我梗係拿拿聲同朋友出去拎啦!好不容易排完條長龍就捧住2碟野返黎慢慢嘆!即劏真係唔同D架!一入口有即溶既感覺!而且肥肉同肉既比例剛剛好,唔知點解,令我覺得係食緊鮮甜版既和牛!值得一提係佢仲有分中拖羅同大拖羅架,最正塊塊魚生都唔係薄切架!真係估唔到香港既放題已經有呢D高級既野食同有呢d即場表演睇,今個年假睇怕都要再上黎一次
张贴
