韓日燒 (已結業)

夜晚諗住食平D ，我地又想食下放題，所以我地就選擇左韓日燒，諗住平平地醫飽個肚。夜晚$168任食，上到去一入門口，見到勁多韓燒食物，腸仔，好多肉類，豬大腸，鵝腸，獅子狗，鴨胸，雞腎，雞翼，紅腸，魚等等真係花多眼亂。另一邊仲有迴轉壽司，有幾款刺身，壽司醬料類亦勁多選擇，比起其他餐廳真係多好多。飲品都有好多款，汽水，五花茶，蔗汁，蜜桃冰紅茶，凍熱豆漿等等仲有勁多酒選擇，鐘意飲酒既朋友可以試到好多款唔同既酒。甜品，雪糕有兩款味，綠茶味，芝麻味，啫哩杯，西米露，凍熱豆漿花等等最好味係炸物，新鮮炸起，每款都炸到金黃脆卜卜。有咁多款選擇，$168 真係好抵食