大本瀛日式放題

营业中

休息中

好耐都未食放題，午市放題就第一次食，今日嚟咗呢一間大本瀛日式放題，先睇吓佢哋嘅餐牌先，有晒刺身，壽司卷物，前菜小食，一品料理，鐵板燒同埋天婦羅，應有盡有，包羅萬有，真係好想要多幾個胃食哂佢！刺身方面，三文魚非常之厚切，甜蝦都好新鮮，北寄貝肉質都好有彈性，而且刺身仲有好多吾同款式！我哋仲叫咗唔同嘅壽司，每一款都幾好，吾會伏！另外，當然唔少得要食佢嘅和風芝士焗廣島蠔同香蒜煙肉焗北海道帆立貝，見上網好多人都有推介，確實幾好，芝士味道濃郁，簡直係回本必食！因為想食啲熱野，所以叫咗個日本拉麵，湯底味道都好濃郁，而且估唔到佢仲有人蔘雞湯同埋溫泉蛋，都幾喜出望外！至於炸物方面，就不過不失，同平時食開嘅都差唔多，不過特別啲嘅係佢有台式鹽酥花枝丸，出面真係比較少見到，而係天婦羅方面，佢仲有炸多春魚，係我最鍾意食，正！最後甜品方面，因為已經食咗好多，都冇咩胃口可以再食個甜品，不過見隔離枱既小朋友都食咗好多，應該都唔錯，大家下次去都可以試下！