入座即送期間限定嘅火鍋，我地點咗一個日本和牛壽喜燒，食完可以追加肉類，海鮮等火鍋配料。和牛壽喜燒好食，和牛唔韌，火鍋裡面仲有雞蛋同菜。我地食完仲點咗肥牛同生菜繼續打邊爐。
另外入座仲送一大盤刺身拼盤，有三文魚、生蠔、甜蝦、海膽等多款刺身，好豐富。
我地另外點咗手握壽司同卷物，火炙沙律燒三文魚腩壽司好食，花之戀口感豐富，牛油果軟蟹卷同芝士鰻魚卷味道都唔錯。
我地仲點咗唔同種類嘅炸物，有海苔多春魚天婦羅、松葉蟹棒天婦羅、海老天婦羅、吉列廣島蠔，仲有日本香芋丸同韓國炸鮮奶都幾好食。
燒物點咗日式汁燒雞肉串，鹽燒青魚同燒扇貝，鯖魚同扇貝都好大份，味道唔錯。
最後一定唔可以錯過甜品，有牛乳奶凍、雪糕杯、韓國雪條、雪米磁、泡芙，超多款式，仲有馬卡龍同甜品杯，好睇又好食。
