影片
更多
2010-01-11
21 浏览
不經不覺,陳真兄大婚日子已到,老套點都要祝福陳真兄同齋妹妹百頭皆老,永結同心............鴻運乳豬全體 : 一共三十幾圍,伙計同經理一齊捧隻豬出場都幾震撼又幾攪笑,點都要繞場一周先放低,擴音器又一味宣傳酒家恭喜一對新人,好明顯抽水,離譜.............酒樓出品,一定不會太差,但可能時間關係,比較厚肉,而且有點烤得過火.芝麻皮仍是保持水準,而且無我最怕見既燈泡眼球,已經好好多.高湯焗龍蝦 : 根本影唔到相,一上檯連杯都未舉已經十對八對筷子伸出去,不過係食伊麵為主,因為大家實在太肚餓啦,而且伙計無將拆殼拑放低,好多都食唔到,不過大家竟然可以係幾分鐘內清碟,完全係一班蝗蟲化身,話說龍蝦肉油泡過後,肉質爽脆,伊麵吸收蝦汁之後更加冶味,不錯.百花釀蟹拑 : 由於大家想親熱點,所以有十三人,大家都不介意,而且有另一對新拍拖人仕比大家乜都恭喜一餐,真係玩得勁開心,蟹拑已經好耐無在婚宴中出現,不過今次用上細蛋撻兜擺放,又真係幾怪相,不過熱辣辣又彈牙,的確幾好食.發財蒜子柱脯 : 髮菜已經禁止出口,而且收集過程會破壞生態,實在不宜多食,所以今次所見,份量可以說是點綴用,瑤枉粒夠大,又
鴻運乳豬全體 : 一共三十幾圍,伙計同經理一齊捧隻豬出場都幾震撼又幾攪笑,點都要繞場一周先放低,擴音器又一味宣傳酒家恭喜一對新人,好明顯抽水,離譜.............酒樓出品,一定不會太差,但可能時間關係,比較厚肉,而且有點烤得過火.芝麻皮仍是保持水準,而且無我最怕見既燈泡眼球,已經好好多.
高湯焗龍蝦 : 根本影唔到相,一上檯連杯都未舉已經十對八對筷子伸出去,不過係食伊麵為主,因為大家實在太肚餓啦,而且伙計無將拆殼拑放低,好多都食唔到,不過大家竟然可以係幾分鐘內清碟,完全係一班蝗蟲化身,話說龍蝦肉油泡過後,肉質爽脆,伊麵吸收蝦汁之後更加冶味,不錯.
百花釀蟹拑 : 由於大家想親熱點,所以有十三人,大家都不介意,而且有另一對新拍拖人仕比大家乜都恭喜一餐,真係玩得勁開心,蟹拑已經好耐無在婚宴中出現,不過今次用上細蛋撻兜擺放,又真係幾怪相,不過熱辣辣又彈牙,的確幾好食.
發財蒜子柱脯 : 髮菜已經禁止出口,而且收集過程會破壞生態,實在不宜多食,所以今次所見,份量可以說是點綴用,瑤枉粒夠大,又炆得夠淋,玻璃茨亦算輕,個人來說幾喜歡.
蟹肉海皇大生翅 : 一向都覺得是豆粉翅,幸好今次算輕手,同樣地,蟹肉及翅都輕手,有點近湯的感覺,師傅味不重,喜宴一向如此.大家食完都會諗到敬酒時間.
福祿麒麟鮑片 : 鮑片又係扣汁引味,主力都係食生菜.
清蒸東昇班 : 本身喜歡食魚,特別係東昇及蘇眉都是我最愛,不過後者已是受保護魚類,非必要都是忍口,東昇本身肉質嫩滑,一條直骨更是方便食用,比起用青班好得多.
明星極品燒雞 : 有點失色,炸得過火,斬到甩皮甩骨,好可惜,而且是雪貨,無雞味.
富貴炒飯 : 一窩炒起,無可能鑊氣夠,所以好多是一舊舊,好濕.
鮑汁伊府麵 : 同樣道理,伊麵有點破碎,不過味道尚可
百年好合 : 有點冰凍,可能是從雪櫃或是放得太耐取出,所以糕點太結實.
大家實在太高興,檯上一對新人,檯下一對新人,比人玩到頭擰擰,由於一早預計會發生,所以呢檯一早滿座,一講恭喜,實有人中招.................真係唔好意思陳真兄
p.s : 男MC太公,女MC千里,外形殺晒,主人家真識搵人.
永結同心
张贴
