八幡屋涮涮鍋 (已結業)

天氣凍咗個人特別肚餓，今晚就去咗八幡屋涮涮鍋食放題！餐廳裝修之後環境好咗，坐得舒服咗；而且服務同食物質素都有進步👍🏻👍🏻👍🏻我哋今次係社交平台位， 有買一送一優惠，如果食lunch可升級至3小時，好正，食完三個鐘夜晚都可以唔使食😂仲有！訂座食後午市同晚市都會送每人一隻鮑魚，抵呀！仲好彈性添！呢度落單好方便，用QR code 點刺身(特別有珍寶帶子), 海鮮,串燒, 燒物, 炸物等等；另外就可以出去自助bar拎不同款式嘅丸, 蔬菜, 麵, 碗仔翅, 中華沙律, 墨魚仔等等, 醬料自行任調。估唔到呢度碗仔翅幾好味，夠杰身，我哋每人食咗兩碗！食完咸嘢就想食甜野，呢度甜品都好多選擇：雪糕, Mochi, 奶凍, 泡夫, 布甸, 啫哩, 韓國雪條，梗有一個啱心水啦！推介大家食啫喱，童年回憶嚟㗎😃 自助飲品雪櫃又係勁多嘢飲，最正係有普通紙包罐裝飲品之外，仲有Mojito, 黑啤同Apple cider！飲飽食醉🤤今晚真係好滿足！