十兄弟車仔麵

放工經過春園街，發現有間新開嘅車仔麵叫十兄弟車仔麵 ，見舖頭都乾淨企理，加上好耐冇食過車仔麵，於是決定試吓。

估唔到而家食車仔麵竟然有鮑魚揀，真係大開眼界，而且新張期間只需要加$9就食到啦！

我無辣不歡，見店家重點推介招牌秘製辣汁，我梗係要試一試，果然唔錯，香辣之餘更帶出一種層次感，提提大家，真係幾辣下㗎！

試得辣汁，當然唔會錯過佢自家製辣菜脯啦，菜脯香辣味突出，辣得夠過癮！

餸我揀咗滷水豬大腸、台式豬腩肉、香炸豬頸肉、香辣豬紅，每樣份量都唔少，所以最後食唔晒🙈🙈