我愛慢煮 (普慶坊) (已結業)

我愛慢煮在上環普慶坊亦都有一間分店！ 空間感幾好， 裝飾特別， 可說是柳暗花明又一村嘅小店！值得支持呢！有多款外國進口嘅啤酒，大部分為比利時，叫了比利時紅桑子啤，味道清香，較為甜口！味道似利賓納，帶點啤酒香"幾有意思。比利時白啤小麥味清甜，帶有少少橙皮嘅味道！ 都幾容易入口， 有啲花香感！爽呀！安格斯頂級平鐵扒， 個口感非常之有咬口！肉味慢慢喺個口腔內滲出，幾香濃重牛香。 除咗main course之外仲有啲side dish, 牡丹需好都需要有綠葉扶持 ! 芝士溫泉蛋大啡菇， 冇諗過可以做到咁好味！ 溫泉蛋蛋汁拼埋大啡菇味道， 菇味好香好濃！非常欣賞呢個烹調手法！蝦仁串蒜味芝士味非常香濃！入口惹味又爽彈，必食呀。個窩夫質感非常之好！咬落去外脆內軟，仲有一陣雲呢拿嘅味道除咗單食窩夫之外配埋雪糕一齊食個感覺更加奇妙吸引