添好運點心專門店 (已搬遷) 新店位置

都係見到好多雜誌、開飯又有介紹過，所以就走去試吓囉！果然眞係要等約20分鐘（我一個人去食），佢又冇得買外賣，都係要等啦！不過，只要你入去坐底咗就可以將食物打包攞走。我當然要試佢最出名嘅酥皮叉燒包啦！果然眞係好味，同一般茶樓嘅叉燒餐包大細差唔多，面層香脆、裡面叉燒唔太肥夠肉汁。我又有食山葵咸水角，原來味道都幾夾，直得一試。我仲食埋糯米雞呀，聽講話幾好，平時我都鍾意食糯米雞，但係添好運嘅就一般啦！有少少失望因為一個人食，所以只可以食到以上食物，但我見好多人食蒸飯，可能都唔錯。但食物種類唔太多，坐得好迫可以改善。