阿升麵線 (已結業)

我好鐘意食麵線﹐經常去台灣都會食好多﹐系香港就經常幫趁阿土。上星期路經弼街﹐見到新的阿升﹐當然要試下。麵線﹕ 麵質唔錯但湯底太咸 (初時以為一時失手﹐但試兩次都系一樣)及唔夠鮮味﹐相比下阿土個湯底好好多及比較似台式風味。鹽酥雞: 好好食, 好香口, 油唔多 (唔會成個紙袋都係油), 水準之作,鐘意食雞的話，必要一試。服務: 絕對同意服務同流程有好大改善空間，相比阿土嘅效率同態度，高下立見。