咕嚕咕嚕

营业中

休息中

講到想係尖沙咀飲酒，諾士佛臺嘅酒吧就一定走唔甩。呢間係樓上舖勁型格嘅酒吧，一出升降機就比成個氣氛包圍住。大型嘅酒吧檯橫貫餐廳左至右，唔同嘅燈光照耀住帶黎一種型格又神秘感覺。黑松露薯條配黑松露 $58 勁大份，超級抵食，薯條仲要係切得每條都好粗。黑松露粒佈滿住每一條薯條，炸得夠脆身之餘，沾埋個松露醬更加濃郁。避風塘魷魚鬚 $88都幾多條魷魚，炸粉唔算好厚，不過未至於炸得好脆略有少少不足。味道夠香，避風塘嘅風味大旺炸蒜同胡椒鹽嘅香味夠晒突出，魷魚夠大條，夠入味。卡邦尼意粉 $108幾濃厚cream味嘅卡邦尼，意粉煮得岩岩好食入口好彈牙。醬汁唔係特別多，但都已經夠包住所有意粉，味道夠香夠濃，價錢抵食。Mocktail: GULU GULU PORCHE $60 因為唔想飲酒所以叫左杯Mocktail，呢杯調飲有橙汁,菠蘿汁,檸檬汁,紅石榴糖醬，入口味道有好香嘅果汁味，味道酸酸地唔太甜，唔飲酒嘅可以叫杯黎試下。