韓珍 (帝國中心) (已結業)

放假相約朋友到尖沙咀做健身，運動完後又累又肚餓，朋友建議不如到附近一間韓式餐廳食餐好的醫飽個肚👍餐牌上有很多種類燒肉同套餐，正宗韓國料理前菜必定有泡菜及另外幾款前菜全是韓國的傳統風味，還可以無限添加，特別推介係泡菜，千祈唔好錯過。我們點了一個海鮮拼盤，裏面有芝士扇貝，蜆，青口，魷魚等⋯咁多海鮮中我自己最欣賞的是帆立貝，夠大隻又新鮮之餘上面加了少少芝士，非常香噴噴👍八色燒肉裏面有牛肉同豬肉，豬肉全部都有醃製過👍牛肉肉質鮮嫩滑口,質素果然十分出色，全部顏色粉嫩，充滿光澤，可以用生菜包住食，加上韓式面鼓醬蒜頭，泡菜，混合一起食，絕配😋五花肉脂香味美，燒得微微焦脆，配上清甜爽脆的生菜，亦減少了油膩和熱氣感覺，更帶來了清新的口感，很有韓風味道，令人忍不住食多幾塊，回味無窮😋芝士炒年糕同在韓國識到的辣年糕一樣好惹味，夠辣，煙韌的年糕配拉絲芝士,味道一流😋😋😋最後當然點了杯檸檬汽水🥤酸酸甜甜甚開胃👍