老川皇

营业中

休息中

唔係朋友介紹都唔知道油麻地果頭有間食川菜，見到幾好評又平，所以打算吃四川菜！一入到去，原來好中式設計，仲好光猛。晚上7時左右，餐廳已經full晒，成陣四川味，原來呢到仲可以打邊爐。兩個人叫左以下野食:手拍青瓜 $32份量都幾多，青瓜好爽口，叫左小辣，如果可以再切細舊d就正!口水雞 （例牌）$58推介！呢到口水雞好滑身，凍凍地，叫左小辣已經幾辣，每夠雞都好入味，有晒辣椒，亦唔會偏鹹，$58絕對係抵食。有晒辣椒干鍋肥腸 $88呢個推介！雖然等左有ｄ耐,都15分鐘，但黎到冇失望。佢既肥腸切細左易入口，每粒都好似炸大腸咁炸過，好香口，加上有洋蔥、椒味等，好入味，就連d洋蔥都有腸味！用個干鍋熱住食，好地道。四川擔擔麵 $24呢到既擔擔麵麵身比較幼，唔係食開果d，因為叫左小辣，就唔算太辣，湯底幾清，麵身亦比較爽口彈牙，一碗一個人岩岩好。兩個人都幾多野食。珍珠奶茶 $19四川野有珍珠奶茶，但係佢係港式奶茶加珍珠，珍珠偏軟身，用港式奶茶沖有d唔慣，哈哈。食完８點半左右，排晒隊好多人，見到台台都有水煮既野食，下次可能都要試下。