倫哥尚品火鍋私房菜 (已結業)

幾乎每一次都係朋友生日先會黎倫哥。今晚揀左黎尖沙咀呢間，一入去好嘈好嘈，我地被安排係枱與枱中間晚位置,沿途有一個凸起的電制，眼見客人及員工都帶幾次拌到，講真，員工又拎住d雞煲餸菜，如果一不小心拌到，到時就大件事所以我強烈要求店主正視呢個問題！講番食物，查實300幾蚊一個人，又不限時，真係好抵既。未到戲肉（打邊爐），之前已經有雞煲（我地食左兩個），仲有刺身，大閘蟹（每人一隻），燉湯，鮑魚炆冬菇，查實我已經飽左8成打邊爐湯底係豬骨湯，有牛肉（如追加要俾錢），海鮮盤，蔬菜籃，一D丸類，最後送上燉奶甜品，除此之外，飲品任飲。食物方面絕對抵食，只係環境就真係麻麻