M3 Italian (已結業)

朋友介紹咗我喺呢一間喺大圍嘅m3 Italian 😊雖然係weekday要返工，不過都已經忍唔住要預先book好咗呢間餐廳，收工嘅時候帶埋男朋友過嚟食飯啦😋一去到呢間餐廳嘅時候就已經滿心歡喜，因為呢間餐廳嘅環境裝修真係非常之別具氣氛！同男朋友拍拖聚會真係一流！炭燒美國肉眼扒。呢一份肉眼扒真係好香，用咗攤銷嘅烹調方式，令到呢個肉眼扒鎖住肉汁，所以切落去嘅時候入面嘅肉汁就已經湧晒出嚟，真係好juicy!而且呢個肉眼扒嘅牛肉味道都非常香！另外仲叫咗一份黑松露野菌芝士薄餅，呢一個黑松露嘅味道真係好香濃，鍾意食黑松露嘅一定會好鍾意❤️而且呢度嘅芝士薄餅係好薄既脆餅！所以就算兩個人食都唔會覺得好多！