間餐廳喺香港站B1出口上一層之後轉另一條扶手電梯落返一層
呢度d餐具同埋杯碗碟都係用即棄！真係好浪費！
叫咗兩個餐：
1. 鮮蕃茄湯脆皮餐肉通粉 $38
配厚多士，荷包蛋 熱奶茶
隻荷包蛋凍嘅...個湯得幾粒蕃茄，冇乜番茄味...
2. 台式肉燥滷蛋新竹米粉 $38
配招牌水餃三隻 熱豆漿
冇晒滷蛋轉左荷包蛋...但係侍應落單嗰時冇同我講..
杯熱豆漿係凍嘅....
米粉份量多, 飽到食唔晒, 但係味道就一般
招牌水餃就幾好食
食食吓聽到侍應同啲客人講冇晒熱奶茶...
跟住有客人叫熱咖啡, 侍應就問廚房仲有冇熱咖啡..唔明白點解一間做早餐嘅茶餐廳會冇熱咖啡同熱奶茶飲😅
