麥當勞 (景光街)

营业中

休息中

其實本人對食嘅要求唔高，在我打的云云食評中，好少好少會俾劣評。食物質素其次，有冇用心去做先最重要，有用心就唔會差得去邊！呢間分店食過好幾次都係無乜好印象！轉左新系統後，order餐同執餐分開左兩部份，收左錢就好似由得你慢慢等咁。成個Flow根本無快到，所有員工只做自己嗰part, 做完就好似冗員咁企喺度由得你等。例子1: 我只要一包細薯條外賣，過程分別要四個職員負責——1.收銀員、2.炒薯條、3.執包薯條放落外賣紙袋、4.放包茄汁落紙袋，根本係費時！每個職員快手做完固然係好，但態度散慢好有問題！去到4. Pass左包薯條比佢，佢企counter對住個客，個紙袋放到佢面前，佢只需要放包茄汁入去就比到我，但佢都係要㩒埋佢個whatsapp先做比我，是什麼態度？！例子2. 我只要一杯新地。啲食物積住喺4. 根本做唔切，但其他人無動於衷，杯雪糕其實一早裝好，但佢要排number順序比人，奈何佢前面d餐完全去唔到... 其餘例子: 成日執漏野、senior員工態度差、全場無人執枱....張枱係臭嘅。。。🤮我明白食老麥好便宜唔應該要求太多，但有時真係好激氣.... P.S.請問係咪雪糕機爆炸...