影片
更多
2013-11-07
1100 浏览
话说喺深水埗食完新香园既蛋牛治, 行去另一边试下另一间人气食店: 芽庄城。哇! 喺街市上既熟食市场啊! 下午茶时段部分食店落场中, 无咩灯光暗暗地, 环境唔多干净, 会唔会中伏呢? "好唔好食? 又睇落去?"!好唔好食?又睇落去? 第342回: 深水埗芽庄城三十元碗足料越南牛肉粉!地址: 深水埗北河街市政大楼2楼熟食中心10号(以下图片可以按图放大作最佳输出)街市上层别有洞天。芽庄城系行到最笃笃角落头位置。睇下餐牌, 价钱真系化算, 最贵既招牌汤河粉都系 $32! 今时今日租金咁贵, 想揾间食店 $30 一个饭真系好少见! 仲要最赚既加钱涷饮都系加一元!要个招牌汤河粉, 哇! 比想像中大碗好多啊! 食物摆法唔"拿西"!料有肥牛、牛展、鸡肉丝、扎肉、芽菜。个汤香料几浓烈, 饮一啖汤, 未至于天下无敌, 但系都唔差, 性价比特高!新鲜热辣辣, 河粉同配料无将货就价! 只可以讲 $31 大大碗足料, 已经加分不少!总结:今 时今日香港有好多食店因为租金贵而偷工减料, 遇到性价比高既食店机会少左好多。当然 $30 一个饭绝对无可能要食店比到酒店式既服务同环境你, 呢样野正常人都知道 (不过据我
话说喺深水埗食完新香园既蛋牛治, 行去另一边试下另一间人气食店: 芽庄城。哇! 喺街市上既熟食市场啊! 下午茶时段部分食店落场中, 无咩灯光暗暗地, 环境唔多干净, 会唔会中伏呢? "好唔好食? 又睇落去?"!好唔好食?又睇落去? 第342回: 深水埗芽庄城三十元碗足料越南牛肉粉!
地址: 深水埗北河街市政大楼2楼熟食中心10号
(以下图片可以按图放大作最佳输出)
街市上层别有洞天。
芽庄城系行到最笃笃角落头位置。
睇下餐牌, 价钱真系化算, 最贵既招牌汤河粉都系 $32! 今时今日租金咁贵, 想揾间食店 $30 一个饭真系好少见! 仲要最赚既加钱涷饮都系加一元!
要个招牌汤河粉, 哇! 比想像中大碗好多啊! 食物摆法唔"拿西"!
料有肥牛、牛展、鸡肉丝、扎肉、芽菜。个汤香料几浓烈, 饮一啖汤, 未至于天下无敌, 但系都唔差, 性价比特高!
新鲜热辣辣, 河粉同配料无将货就价! 只可以讲 $31 大大碗足料, 已经加分不少!总结:
今 时今日香港有好多食店因为租金贵而偷工减料, 遇到性价比高既食店机会少左好多。当然 $30 一个饭绝对无可能要食店比到酒店式既服务同环境你, 呢样野正常人都知道 (不过据我所知好多都唔系正常)。呢个招牌汤河粉唔系 100 分好味, 我觉得 70分好味, 但性价比值 $60, 即系高出自己愿意比既价钱两倍, 好抵食! 如果系因为为左味道而去食, 亦未至于; 但系如果为味道 OK 同饱肚同抵食, 呢间真系 GOOD CHOICE!
环境:♥
卫生:♥
服务:♥♥♥
味道:♥♥♥
抵食:♥♥♥♥
推荐:♥♥♥
以上: 好唔好食又睇落去,深水埗,芽庄城
张贴
