廉記冰室 (環翠商場) (已結業)

柴灣廉記冰室座位好寬落，坐得舒適。上菜速度亦好快，由落單到上菜全程唔駛五分鐘。我點咗個避風塘雞翼豉油王炒麵，雞翼有四隻， 上面撒有一啲炸蒜粒， 下面係市面上常見嘅豉油王炒麵， 有啲韭黃同芽菜咁。食落第一個感想就係好鹹， 豉油王炒麵本身已經係鹹， 混入咗避風塘雞翼嘅炸蒜之後係鹹上加鹹。 我自問已經係比較偏向重口味嘅人， 都有啲難接受到呢度嘅避風塘雞翼炒麵。如果將豉油王炒麵同避風塘雞翼分開嚟睇係唔差嘅。 不過同時將呢兩樣嘢撈埋一齊就真係好鹹唔多接受到啦。