鬼混 (已搬遷) 新店位置

平時好少行過嚟糖街，原來呢度都有間咁特別嘅餐廳🤭朋友話想試呢間，我哋就揀咗lunch嚟食，先講裝修先😆好吸引呀，呢度好靚好多打卡位，裝修同餐具都好特別，我哋揀咗lunch set，Lunch set只限平日12:00-14:30呢個時段。可以揀三至六樣野配一款碳水類，我哋就揀咗6⃣️個item$158，然後可以揀湯或者沙律，仲有嘢飲，我哋一個要湯一個要沙律🥗，我揀咗溏心蛋、炸牛油果🥑、海膽汁魷魚薄片、脆炸魷魚圈、黑毛豬、茶葉滷牛小排。先講溏心蛋🥚好溏心嘅不過略嫌味濃咗少少🤏🏻偏鹹，炸牛油果第一次食，感覺好新奇😆外面脆漿夠薄，牛油果好軟身，口感就係外脆內軟啦，海膽汁魷魚片，呢個好得意，食落口感煙煙韌韌，開頭以為闊條麵，因為一條條好長，但係係魷魚🦑味，魷魚圈呢個炸到脆卜卜，黑毛豬好大件，肉味香濃，牛小排好正，有少少辣味，熟嘅程度整到啱啱好👍🏻另外我揀咗配burger，個burger好有誠意，包兩邊都🈶️牛油香，而且包身重焗過黎架，又有芝士同生菜🥬一啲都唔Hea🤤仲有湯係甘筍南瓜湯，有零碎嘅洋蔥同薑汁味，口感層次豐富，我飲凍烏龍茶，我哋開頭驚唔夠飽仲嗌左甜品，乳酪😩原來咁多嘢食係食唔晒㗎，又係眼闊